呢個星期係sem break, 冇咩野好做又冇咩見朋友就會亂諗野...哈...再加下去完ocean park halloween 去完鬼域個鬼屋...番到屋企就睇番...當中有一幕好深刻.... 鬼域係一個空間, 俾人遺忘左的人同埋事物就會去左o個度...有一幕係講一班死左好耐的人俾後世的人遺忘左就去左鬼域...呢一幕攪到我無啦啦好怕面對死亡.... 由細到大...都係o係基督教學校學習...自自然然冇咩諗過就相信死後會上天堂..所以成日覺得生命係永恆..唔會有完結...但個人愈大就開始會懷疑宗教..無論係咩教都好...有可能只係人對死亡的恐懼而幻想出黎的一個寄託...... 先唔理宗教係唔係真...但如果死後真係會一了百了...意識,思想同記憶都係連同生命一起在一息間消失....咁其實一個人的一生其實真係好短.... 短其實唔係一個問題,,,問題係如果冇輪迴, 冇永生...一人只係會得一個人生....童年只會得一次...唔會有得番番去只係得玩樂的時間....有能力去跑跑跳跳, 踢下波的時光過左去就唔會再有...去到老時就會有好多野都做唔到..慢慢咁等生命完結...而我地只係得一個機會..唔會好似打機咁有得玩多次...... 老豆老母只係得一個...佢地係用左佢地最精彩的大半生去照顧我地...往往到我地有能力同埋有心去回報佢地o個陣...好多時都冇咩時間剩番低....而佢地都過左佢地最光輝的時光.....但係時間過左就係過左....到佢地唔係度..冇第二個老豆老母俾你去回報.... 朋友, 情人....都係o係短暫的人生中的伙伴, 離別後如果唔去刻意維繫感情...過左一段時間就可能唔會再見面...同樣地...人只得一個人生...呢一生唔去珍惜就唔會再有機會... 呢個世界仲有好多事要人去珍惜...仲有好多地方可以去睇同玩...但係人只係得一世...死左就可能咩都唔會再睇到, 聽到同感覺到.....所以...雖然好老土...真係要珍惜眼前人...可以關心人就去關心...有野玩就開心咁玩...有波踢就落力咁踢...有女望就望多幾眼了 打左出黎同人分享下個心舒服D~~哈 | 
